صفحة 1 من 11 123 ... الأخيرةالأخيرة
النتائج 1 إلى 4 من 43
  1. #1
    تربوي ذهبي الصورة الرمزية همسة ريشة
    تاريخ التسجيل
    Jan 2009
    الدولة
    taroudant
    المشاركات
    2,629

    افتراضي نسمة المنتدى ضحية كاميرتها الخفية





    لمياء نسمة دفاتر تلك النسمة التي تتنقل بين اقسام المنتدى فتملأ الفضاء بعبق طيبتها وتغرس في كل ركن من فيض عطائها ابداعات تكللها بجمال روحها
    هي صاحبة فكرة الكاميرا الخفية الرمضانية لتدخل البهجة على اعضاء المنتدى لكن كانت ضحية بدورها لكاميرتها ،افتعلت انا واختي السعدية مشكلة ملخصها انني نشرت موضوعا فحذفته السعدية لعدم احترامه للامانة العلمية،وحليمة تكلفت بالاتصال بلمياء لتطلب منها ان تتحدث الىنا لحل المشكل ،بداية تحدتث لمياء مع السعدية التي تشبتت بكونها غير مخطئة ثم دار بيني وبين لمياء الحوار التالي (وفي نفس الوقت كانت هناك حوارارات موازية مع السعدية وحليمة )


    لمياء:
    السلام عليكم

    18:02
    عائشة:
    وعليك السلام
    اهلا اختي لمياء

    لمياء:
    كيف حالك اختي

    عائشة:
    لحمد لله وانت

    لمياء:
    اش واقع بينك و بين السعدية

    عائشة:
    شكون قاليك

    لمياء:
    سمعت وصافي(ما بغتش تقول حليمة ههههه)

    عائشة:
    ا اختي يمكن عندها الحق لكن بصراحة انا بقى فيا الحال
    شوفي دفتر السعادة الزوجية وانت تفهمي

    لمياء:
    علاش يبقى فيك الحال
    راه شحال من موضوع تحذف لينا

    عائشة:
    انا عارفة قوانين المنتدى وعارفة اكثر انه ماشي من حقي ناخد حاجة ماشي ديالي ونشرها بلا احالة

    لمياء:
    حتى دبا موقع والو
    راه حنا عائلة واحدة
    كل واحدة يتفهم الآخر

    عائشة:
    وكون شخص اخر من غير السعدية ما يبقاش فيا الحال

    لمياء:
    هي طبقت غير القانون

    عائشة :
    انا معجبنيش التسرع ديالها
    حيث انا نشرت الموضوع ومباشرة حذفته كنت على وشك تعديله واضافة كلمة منقول

    لمياء:
    رمضان هذا مسامح كريم

    عائشة:
    وحتى لنفرض انني نسيت او اخطأت ولم احترم الامانة العلمية كما قالت كان ممكن تنبهني برسالة

    لمياء:
    بالفعل
    مسامح كريم اختي

    عائشة:
    واش من حق المراقب يتصرف بهاد الطريقة

    لمياء:
    المهم اختي مسامح كريم
    الانسان يحاول ينسى مثل هذه الخلافات راها كتجيب غير المرض
    الانسان كيدخل يدوز وقت باش ينسى مشاكل ماشي باش يعقد راسو بمشاكل المنتدى

    عائشة:
    بصراحة انا احترم اختي السعدية ولكن تصرفها ازعجني ومسامحاها وهي عزيزة لكن من الاحسن نبتعد
    بالنسبة لي اختي لمياء دفاتر اكثر من مجرد منتدى وناسو عزاز وخصوصا اللي فالعائلة

    لمياء:
    وايلي بتعتدي على الاهل ديالك
    تقدري تبتعدي
    حشومة في وجه الناس لي باغينك
    تقدري تسخاي بينا

    عائشة:
    والله الى عزاز وحتى السعدية عزيزة لكن معرف علاش دارت هاد التصرف انا مهمنيش الموضوع لكن الطريقة

    لمياء:
    الى قدرتي حنا منقدرو
    نساي اختي الموضوع
    ماتبقايش تفكري فيه
    راكي الى بقيتي تفكري غتعصبي غير راسك
    هههههه

    عائشة:
    انا بغيت نعرف رأيك واش انا على حق ولا لا

    لمياء:
    كلامك معقول ربما كان شوية تسرع من السعدية
    هي طبقت القانون
    لكن واحد مايبقاش يفكر بزاف
    و الله
    نساي الموضوع

    عائشة:
    الواحد يطبق روح القانون اختي قبل من حروف القانون

    لمياء:
    راه كندخلو نفوجو على راسنا ماشي نعصبو راسنا
    ايوا دبا اشنو
    معندك فين تمشي
    ههههه
    ياكما نجيبو سكر

    عائشة:
    سمحي لي اختي لمياء صدعتك

    لمياء:
    و مانرتاح حتى تحيدي فكرة المغادرة
    راني مكنحملهاش
    ههههههههه

    عائشة:
    انا الاخوة والصداقة عندي اغلى من الرقابة وغيرو

    لمياء:
    داكشي لي كاين
    ايوا دبا اش قلنا
    نجيبو سكر

    عائشة:
    سمحي لي انا جدية وربما كانبالغ كيف ما قالو لي لكن اعتبرت قول الامانة العلمية لموضوع بسيط اهانة ليا وانا ماشي جديدة فالمنتدى


    لمياء:
    هي بغيتي تسخاي بينا

    عائشة:
    راني كنعاودها ليك ما سخيتش بيكم وراكم ديما فالقلب

    لمياء:
    الى مسختيش بينا هي ديما نشوفك

    عائشة:
    قولي اولا واش انت معاي والا مع السعدية


    لمياء:
    معكم بجوج اختي بجوج
    ههههههه

    عائشة:ء
    ياك مكاين قانون يحث على تضامن المراقبين( هاد العبارة لم ترق للمياء كما اخبرت حليمة )

    لمياء:
    مكاين حتى قانون
    المهم اختي حنا مسخيناش بيك

    عائشة:
    كيف ما قلت ليك السعدية شايفة راسها على حق وهدا حقها لكن من حقي حتى انا وكعضوة ان تحترم مواضيعي وبعد هي في الدفتر الاسلامي اش جابها للموضوع
    (انا معارفاش الاقسام هههه)

    لمياء:
    هي مراقبة قسم دفاتر المواضيع العامة و الشاملة

    عائشة:
    شحال كتغير الرقابة فالانسان

    لمياء:
    هي طبقت فقط القانون لكن تسرعت شوية كيما قلت

    عائشة:
    لا ما طبقت القانون
    كان ممكن تعدل المشاركة فقط
    ولا داعي للحذف

    لمياء:
    نعم (هدوء غريب وجواب دبلوماسي كان ممكن تستشهد بالمادة 14 وتجي من جهة السعدية )

    عائشة:
    باينة ليا معطلاك معايا( قريب الفطور )

    لمياء:
    ماذا بخصوص المغادرة واش مازال كتفكري فيها
    كنتمنى تحيدي هاد الفكرة من راسك
    و الله

    عائشة:
    عرفتي راكي صعيبة اختي لمياء

    لمياء:
    علاش اختي

    عائشة:
    حيث تبارك الله عليك جيتي فالفخ نيشان

    لمياء:
    انا فخ

    عائشة:
    مكاين لا خصام لا والوا هذه كاميرا خفية من اعداد عائشة وحليمة والسعدية

    لمياء:
    كاميرا خفية

    عائشة:
    وتسحاب ليك انت وحدك اللي عندك كاميرا

    لمياء:
    تبارك الله عليكم

    عائشة:
    لكن تبارك الله عليك رزينة وضابطة اعصابك كيف العادة

    لمياء:
    ههههههههه

    عائشة:
    وبينتي على طيبة قلبك
    انا والسعدية سمن على عسل ههههه

    لمياء:
    الحمد لله من كاميرا خفية

    عائشة:
    اتمنى الا تغضبي

    لمياء:
    لالا ابدا

    عائشة:
    السبب هو محبتنا لك والله العظيم هه

    لمياء:
    بارك الله فيكم

    عائشة:
    تحياتي اختي ومعذرة لم نقصد الا الاخوة والمحبة تزيد

    لمياء:
    و الله حتى فرحت من قلت كاميرا خفية
    يعني انه مكاني حتى مشكل
    بينتكم
    نخليك دبا

    عائشة:
    الله يتقبل الصيام اختي محبتي


    قبل تحدث لمياء مع عائشة تحدث الي ودار بيننا الحوار التالي :

    لمياء:

    السلام عليكم اختي السعدية


    السعدية 1985:
    وعليكم السلام ورحمة الله تعالى وبركاته
    ختي لمياء لباس عليك

    لمياء:
    لباس الحمد لله
    واش كاين شي مشكل بينك و بين همسة ريشة

    السعدية 1985:
    كاين اختي لمياء
    لمياء :
    بسبب شي موضوع حذفتيه


    السعدية 1985:
    نعم
    لمياء:
    حيث هي مكتبتش منقول
    السعدية 1985:
    نعم
    مفهمشت انا طبقت القانون
    علاش غادي تقلق
    لمياء:
    عرفت
    راه لي كيطبق القانون كيكون خايب هههههه
    السعدية1985 :
    وعلاش تقلق مني هي دابا
    لمياء:
    شوفي واحد الحل
    ديري تعديل كتبي تحت الموضوع منقول سبب تعديل كتبي العبارة لي كتبتيها في الحذف
    السعدية 1985 :
    اشنو هو؟
    نسمة لمياء
    الموضوع لي حذفتيه ليها
    رجعيه و ديري تعديل ليه وكتبي تحت الموضوع منقول

    السعدية 1985 :
    والبند14:يجب الحفاظ على الحقوق الفكرية للآخرين بتدييل المواضيع المنقولة بعبارة "منقول".
    انا تقلقت منها لانها هددات دغية بالرحيل

    نسمة لمياء
    ماتديش عليها

    السعدية 1985 :
    علاش الدير بحال هداك
    علاش لمياء منديش عليها
    لمياء:
    راه كاين لي معارفش بقوانين المنتدى
    السعدية 1985 :
    ونصدق انا لخايبة
    سمحي لي
    لمياء:
    لا
    انت طبقت القانون
    التهديد بالمغادرة ايضا حتى هو مخالف لقوانين

    السعدية 1985 :
    كون غير راسلاتني بيبقاش في الحال

    لمياء:
    عندك الصح
    راه بزاف حوايج كيدوزو اكثر من هادشي
    السعدية 1985 :
    في الموضوع لحنا مجتامعين فيه
    دابا انا معي حق ولا لا


    لمياء:
    انت طبقت القانون فقط
    يعني مدرتي حتى حاجة لي خايبة
    هي كان عليها تفهم هاد شي
    السعدية 1985 :
    انا طبقت القانون اختي لمياء
    والتصرف لدات معجبنيش ولذلك
    مغاديش نرجع الموضوع لحذفت

    لمياء:
    نعم انت طبقت القانون

    السعدية 1985 :
    بصراحة من الاحسن لي ننساحب من الرقابة
    جابت لي غير المشاكيل
    انا كتهمني انه تكون علاقتي طيبة مع الناس
    ومكعجنيش ندخل في حزازات مع حتى واحد

    لمياء:
    نعم اختي السعدية انت طبقت القانون خص الآخر يتفهم الامر خص فقط
    الرقابة معندها حتى دخل
    راه خص الآخر يحاول يتفهم الامور.
    السعدية 1985 :
    لا سمحي لي.

    لمياء:
    راه خص الآخر يحاول يتفهم الامور

    السعدية 1985 :
    كن كنت عضو عادي
    مغادي نتناقش مع حتى واحد

    لمياء:
    خص ديري اعصابك في ثلاجة

    مثلا كون كنت انا في الموقف ديالك كون درت تعديل كتبت منقول

    انا كنهضر مع همسة ريشة

    قالت عندها الحق

    لكن بقا فيها الحال


    السعدية 1985 :

    وانا بقا في الحال اكثر منها

    علاش متقولها لي



    هذا كان جواب لمياء بعدما عرفت بانها وقعت في شرك الكاميرة خفية:
    وخا فيك
    ههههههه
    خطيرات ممثلات بارعات .




    التعديل الأخير تم بواسطة السعدية 1985 ; 05-08-2012 الساعة 17:26

  2. #2

    افتراضي رد: نسمة المنتدى ضحية كاميرتها الخفية

    ههههههههههه
    تبارك الله عليكن أخواتي عائشة، السعدية و حليمة
    أوقعتن لمياء في فخ الكاميرا الخفية و انتقمتن لنا منها ههههههه
    و لكن ما شاء الله عليها حكيمة و متميزة في ردودها

    ملاحظة: واخّا عليكم حيث الكاميرا ديالكم
    وقعتونا فيها حتى حنا ههههههههه
    الحمد لله أن ما حصل كان تمثيلية
    و لو أنني لم أكن أعلم من كان
    السبب في المشكل الذي حصل لهمسة
    كنتن رائعات


    ألف شكر أخي يوسف المجد

  3. #3
    تربوي ذهبي الصورة الرمزية همسة ريشة
    تاريخ التسجيل
    Jan 2009
    الدولة
    taroudant
    المشاركات
    2,629

    افتراضي رد: نسمة المنتدى ضحية كاميرتها الخفية

    اقتباس المشاركة الأصلية كتبت بواسطة tatamoun مشاهدة المشاركة
    ههههههههههه
    تبارك الله عليكن أخواتي عائشة، السعدية و حليمة
    أوقعتن لمياء في فخ الكاميرا الخفية و انتقمتن لنا منها ههههههه
    و لكن ما شاء الله عليها حكيمة و متميزة في ردودها

    ملاحظة: واخّا عليكم حيث الكاميرا ديالكم
    وقعتونا فيها حتى حنا ههههههههه
    الحمد لله أن ما حصل كان تمثيلية
    و لو أنني لم أكن أعلم من كان
    السبب في المشكل الذي حصل لهمسة
    كنتن رائعات

    وعليك السلام اختي
    وطالبة منك السماحة راك عزيزة وزادت معزتك
    وبيني وبينك راه هددتني السعدية بالسباط دكشي علاش انا ظريفة معاها
    هههههههه
    وكاين حوار اخر بين السعدية وحليمة ولمياء
    قبل من هذا
    فعلا اختي لمياء رزينة منين ما نجيها تفلت ليا تبارك الله عليها
    انت الرائعة

  4. #4
    مشرفة الدفتر الفرنسي
    مشرفة دفتر تعليم اللغة الاسبانية

    الصورة الرمزية Hikma
    تاريخ التسجيل
    Nov 2009
    الدولة
    فـــــــــــــــــــــــاس
    المشاركات
    7,595

    افتراضي رد: نسمة المنتدى ضحية كاميرتها الخفية

    ههههههههههههه
    في الحقيقة تسخسخات مسكينة، مرة عند السعدية التي تشبثت برأيها و رفضت الرضوخ، و همسة ريشة التي أحست بالظلم مسكينة، و حليمة التي تقترح الأجوبة ههههههههه لتزيد من حدة النقاش
    الأشد من هذا و ذاك، أفراد العائلة المساكين الذين سقطوا في الفخ أيضا، و بدأت المراسلات على الخاص لتهدئة النفوس و ترضية المتخاصمتين ههههههههههه
    الله يسمح لنا من الجميع
    اعتذاري للجميع على القلق الذي سببه التشنج الافتراضي
    هههههههههههههههههههه







    شكرا لكما أخواي ابن المغرب 2010 و يوسف المجد

صفحة 1 من 11 123 ... الأخيرةالأخيرة

المواضيع المتشابهه

  1. فيروز المنتدى ضيفة الكاميرا الخفية:الضحية5
    بواسطة نسمة المنتدى في المنتدى دفاتري(ة) في الكاميرا الخفية الرمضانية
    مشاركات: 27
    آخر مشاركة: 02-08-2012, 01:00
  2. najlaa najlaa ضيفة الكاميرا الخفية:ثاني ضحية
    بواسطة نسمة المنتدى في المنتدى دفاتري(ة) في الكاميرا الخفية الرمضانية
    مشاركات: 36
    آخر مشاركة: 26-07-2012, 15:19
  3. عمر الشرقاوي ضيف الكاميرا الخفية الرمضانية:اول ضحية
    بواسطة نسمة المنتدى في المنتدى دفاتري(ة) في الكاميرا الخفية الرمضانية
    مشاركات: 34
    آخر مشاركة: 25-07-2012, 01:22
  4. وتم اللقاء بين نسمة المنتدى و عائلة خادم المنتدى
    بواسطة نسمة المنتدى في المنتدى التعارف والترحيب و التهاني
    مشاركات: 41
    آخر مشاركة: 22-04-2011, 17:49

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •